局內人：勝利旋峰再泥贏得

魑魅魍魉

　　　賀賢馬房今日實力馬不少，馬房消息謂第八場「勝利旋峰」質新當勇，上仗初跑泥地只抱牛刀小試之心，結果僅敗泥於地怪傑「時時攞彩」，可知其泥地性能如何，馬已試準，今番捲土重來，贏馬信心大增。此駒本來隸屬胡森馬房，但屢拼未出頭，幕後才決定拉倉轉投賀廐，其實馬已日漸成熟，在進步之中，加上轉倉深受重視，機會可以睇高一線。

　　葉楚航馬房亦有大手惡馬，消息傳來，第六場「幸運相架」及第七場「漸信良駒」機會最好，而第三場「濰坊」及第四場「闊袍大袖」皆有機會爭入三甲。馬房中人透露，「幸運相架」在四班是超級之材，上仗贏得易，拼後保持大勇，今番再來，雖然排在不利的外檔起步，但以其超卓實力，仍有極大機會連捷。

　　「漸信良駒」上仗搏殺失手，幕後心有不甘，葉楚航對其睇得甚高，可惜上仗出閘緩慢，以致後上不及屈居亞席，柏寶認為馬仍新嫩，劣習可以改善，成熟後應有更佳發展，今番再來，勇熟並進，對手非強，出頭有望。

　　鄭俊偉馬房則睇好第九場「特色咖啡」，此駒質新進步，前仗跑1400米爭入亞席，表現不俗，上次匆匆再來，縮程跑1200米，由於出腳已轉慢，短時間內未能適應短途步速，所以表現未如理想，但馬匹狀態未有低落，今次重跑1400米， 才是其所長，質新當起，加上強手已去，有力問鼎。

梁杰