馮諾嘉手記：精靈拍檔執多W

魑魅魍魉

　　記得以往只係一啲馬王級分子，馬主先會安排佢哋遠征海外，但隨住香港賽事水平不斷提升，本地賽駒同海外馬匹實力接近咗好多，近年都多咗馬主願意花錢走一趟。

　　事實上，香港馬嘅水準真係唔曳，尤其係短途馬方面，就算係未去到短途馬王級數之輩，出到海外都有機會揚威，好似「時尚風采」早前遠征杜拜，就順利勝出阿喬斯短途錦標。而今次新加坡之戰，「綠色駿威」亦能夠力壓「火箭人」，捧走KrisFlyer國際短途錦標，另一港隊代表「鳥語花香」亦殺入一席第三，表現絕對唔失禮。

　　講番聽晚心水，第二場五班1650米，小妹鍾意「精靈拍檔」，前仗轉東廐初出跑嫌短嘅1000米，擺明志在熱身，上場增程跑一哩，即刻順利打開勝門，五歲馬開竅後未必只得一W咁少，再跑贏馬路程隨時可以添食。配腳先拖跨季十場上名嘅「我跑得」，演出實在太準，唔揀唔得。「好利高」用韋達唔似陪跑、「浪漫添馬」上仗已露走勢，宜一併兼顧。四連環揀埋連仗跑近嘅「華劍寶」。

　　第七場三班1800米，「智友」、「鵬力洋洋」同「包裝好友」近仗都有好演出，今次都有權跑入前列，其中以「智友」檔位最好，一於搵佢做膽。配腳方面，除咗拖番「鵬力洋洋」同「包裝好友」之外，要留意霍廐「利好」，評分已經減到過晒籠，轉嚟對手較弱嘅谷草隨時一網打盡。「星際雄師」回氣一場之後，話唔定又會變身，小心