賠率有路捉：喜鵲信心十足

魑魅魍魉

　　第四場「喜鵲」喺上手安廐度未贏過，上季尾轉去賀賢馬房後七戰只得一次亞軍，賽績毫無睇頭，而且今日只係配何澤堯上陣，但噚日早飛，佢居然係53蚊次熱，僅次於49蚊柏寶嘅「甜蜜至上」，位置更係12蚊大熱，信心十足咁款。處女馬配牌仔買到咁熱，好明顯係一小撮人所為，小心呢注聰明錢得手呀。若然「喜鵲」今日買到大熱，更加要信，因為賀賢近兩季八匹五班賽大熱門，當中七匹掄元。

    　第二場「駟馬難追」谷草入Q後，上仗返田草只得第七，似乎窄場至係佢強項，今戰仲要面對「龍得風雲」，同埋初出馬「川河勁駒」，真係冇諗過只得63蚊，位置仲係20蚊大熱門，似乎話你知三甲實有，明顯有人預知佢會交出截然不同表現喎。

　    騎師王方面，既然鍾意梁家俊嘅「駟馬難追」，加上佢仲有「幸運相架」、「神州八號」、「同一世界」幾匹實力馬，爆半冷封王有乜奇﹖

周仲