廣友名駒恃輕添食

魑魅魍魉

尋日第五場三班2000米長途賽事，胡森派咗「首騎警」、「大紫荊」同埋「廣友名駒」三路興兵，結果有喜有悲。
       
胡森（右）近七次沙田賽事例有馬贏。

呢場馬房第二選嘅「廣友名駒」，喺勞愛德胯下後上再下一城，幫肥胡增添進帳，但係「首騎警」就跑到遠遠包尾，賽後又被驗出流鼻血，由於係第三次，被迫要退役，搞到胡森都有啲唔開心。
       

至於贏馬嘅「廣友名駒」，胡森就話呢隻馬跑淋地唔錯，咁啱尋日咁大雨，對呢隻馬自然有啲幫助。胡森仲講今次步速又夠快，形勢對孭一一六輕磅嘅「廣友名駒」有利，隻馬一向忠心，就係咁就執多場W。