賠率有路捉：好辣椒飛到馬到

魑魅魍魉

　　頭場「好辣椒」自從兩季前新馬賽贏馬後，一直冇佳作，仲愈跑愈差，今季頭幾仗都係十幾倍冷門，就算上仗用柏寶都係八九倍馬，不過今日用蘇狄雄居然仲多飛，噚日早飛58蚊W已經好突然，位置都只係得廿蚊，呢位七磅仔何德何能惹飛過柏寶呀﹖好明顯今鋪有人極之睇好。睇番佢喺新馬賽贏馬冇戴眼罩，而近期表現差全因眼罩累事，而上仗除眼罩全程走外叠輸近，試馬味道好濃。論實力當年佢力壓「駕寶」贏馬，喺四班點會冇得贏，配合埋呢注早飛，若然「好辣椒」贏馬有乜出奇呀﹖   

　　 第二場「荊山玉」九歲馬早飛好厲害，居然拍住「大隊長」只得六倍，已覺古怪，而位置仲硬淨，19蚊次熱，好似話你知穩位望贏咁，呢注飛要信。

　　騎師王方面，柏寶單係尾幾場「時時攞彩」、「歡呼星」及「軍旗」已經惡，再加埋「創先機」同「新領袖」， 十幾蚊算唔錯喇。  

周仲