洪禮賢講馬：喜萬家值博

魑魅魍魉

　　第六場三班1200米。「滙名燈」向來係忠心耿耿，跑8場未試過唔入前四名，當然，中短線去評估，唔覺得佢會再有幾大的上升潛力，之但係，呢次用到小蘇卸去七磅，多少會令競爭力升級，加上排埋內檔，同埋繼續跑主項，三甲應不成問題。

　　第七場三班1000米。「喜萬家」（圖）好少在谷草上陣，服役3季只得3次，但除了出閘大漏那場之外，餘下兩場都有Ｐ，大抵已反映練者在部署上拿捏得幾好。其實，上場若非在對面直路尾被「延續美麗」波勾的事件牽連，按佢拉士的衝刺，入Ｑ是必然；今次2檔起步，形勢正晒，而同場有三幾匹實力馬分散視線，賠率唔慌熱，應該有胃口。