高清睇跑馬：大紅人上仗水準高

魑魅魍魉

　　季內總場次586三班泥地一哩，「大紅人」起步相當敏捷，尚未首次轉彎，已進佔內檔，全程跟住領放的「衝勁直前」，但是第二及第三段步速偏快，跟在前列虛耗不少體力，然而直路推騎反應一絕，去到一百米追過「衝勁直前」，一度出頭看似勝利在望，卻冷不提防「揀得正」在外檔愈追愈勁，最後以半身位之不敵後駒，未能贏馬因為對手太強。「揀得正」接戰草地繼續上名，而且該戰泥地總時間一分三十八秒七，乃季內三班同程最快時間，「大紅人」敗於強手雖敗猶榮，明日出戰泥地賽可補中

　　另外，今季總場次607五班田草1600米，「極速寶寶」出閘應聲彈出，但外檔起步選擇留前鬥後，很快退居最尾位置，比尾二馬匹落後半個馬位，走在二叠包尾，一心一意直路爆一段，入到直路移出最外檔，望空下反應不俗，柏寶見此打右手鞭，起初已經有點外閃，之後更加嚴重，去到最後六、七十米幾乎貼外檔衝刺，就算C+3跑道檔位偏差不大，但至少蝕了四、五個馬位，而且最後五十米仍未入鏡，仍然追入第四，衝刺十分凌厲，明日原庄由柏寶跑同程1600 米，篤定補中。

Sam