湯智傑搞掂旺國手

魑魅魍魉

雖然方嘉柏今季成績咁標青，但似乎同前徒弟湯智傑唔係咁夾，之前跑咗七十六次賽事，呢對騎練都仲未試過攜手贏馬。
       
湯智傑跑到季尾先至幫方嘉柏贏番一場。
騎練今季合作首Ｗ

不過，喺尋日谷草日賽，柏廐喺第七場三班谷草二千二百米雙龍出海，用柏寶嘅「勝利福星」被捧到大熱，而湯智傑胯下嘅「旺國手」就有七點五倍開跑，結果後駒末段喺小湯力策之下影相贏「好著數」，終於可以幫波士攞番一Ｗ，難怪佢賽後開心到見牙唔見眼。
       

賽後方嘉柏都話見到湯智傑幫自己贏馬，覺得好開心，同埋「旺國手」三年幾未贏過，今次終於重返凱旋門，可以向馬主屈榕昆交代，可算係雙重意義。