洪禮賢講馬：捧騰雲駕霧

魑魅魍魉

　　第十場三班1600米草地。「一言為定」上賽係咁意就贏，唔覺用到七八成功力，假如來到第三回合，作戰水準稍為進步，點會驚任何對手。睇佢上場贏來的姿態及過程，可塑性幾高，一來，全程殿後，直路亦唔多心急搵位，隨便掟出大外檔唔怕蝕。二來，當佢發力之際，唔多識跑直線，但一樣贏得易，有幾超級？的確係謎。呢次有1400米唔跑，係要加程，見上場早段跟唔住，此程可能仲好，一於追多次。

　　第十一場三班1400米草地。「騰雲駕霧」（圖）上賽唔係拉士冇位上，根本贏咗，反映佢就算在1400及1600米跳來跳去，競爭力依然咁強；今次好檔兼好人，加埋利前置的Ｂ欄，要喼住佳績唔難。