西班牙上晒力箟低葡國

港陌

29/06/2010

前晚英德大戰非常精彩，英格蘭輸住兩球到差啲追平，過程充滿戲劇性，臨場英軍有飛到，開波前要讓平半，大戶一早買定大盤，同埋捧英格蘭。不過，佢哋見到英軍問題球唔入後即轉軚，改捧德國下盤同大盤，總算保住不失。

墨西哥輸得冤枉

去到尾場阿根廷對墨西哥，大戶全面睇好墨西哥下盤，受讓一球、半一、半球同上半場受讓平半都唔放過，對佢哋極具信心。班博彩專家千算萬算，最後都畀球證玩死，阿根廷部分入波明顯有問題，不過，球證錯判冇得拗，呢隊墨西哥都輸得幾冤枉。


世盃接連出現爭議判決，有口痕友又講陰謀論，認為賽事有黑哨，肥叔唔敢自己亂判斷，但希望有關方面可以盡快引入科技幫助執法，依家一場波上落數以億計，球證一個判決影響好大，無論對球迷、博彩人士同莊家都唔公平，呢個問題一定要正視。


講番今晚賽事，日本面對巴拉圭，受讓半球都唔要，捧巴拉圭！日本今次突破分組賽已有交代，呢班波實力係咁上下，巴拉圭攻守平均，讓半球合理，上盤有計。同日有場歐洲大戰，西班牙上場贏智利表現好，已經全面上力，葡萄牙太慢，肥叔捧西班牙。