銀河遇甲組仔聖券在握

港陌

29/06/2010
文： 重炮手

除咗世盃之外，聽朝仲有美國聯賽盃玩吓！甲組仔聖路爾斯會越級挑戰美職嘅洛杉磯銀河，聖路爾斯換帥後雖然演出不俗，不過呢班波上年至成立，大賽經驗不足，第3圈作客銀河恐怕會大敗，一於捧1.67倍「讓球主勝」！（開賽時間：周三早上10:30）

聖路爾斯新埋班冇經驗

本港球迷肯定對聖路爾斯好陌生，事關佢哋喺上年先至成立！仲曾經搵嚟法國射手安歷卡嘅兄長哥迪安歷卡領軍，最近先被青年軍教頭舒利所取代。換帥後冇錯隨即連贏3場，但畢竟只係新埋班，實力同經驗點都唔可以同銀河相比。


銀河方面，剛踢完世盃嘅當路雲及艾臣布度即將歸隊，但教練亞連拿多數會畀佢兩個抖吓先，前線好大機會繼續由保雲及基奴夫斯基擔正攻堅。睇番銀河近5次主場正式比賽，有4仗都攻入兩球或以上，火力唔錯有力炒起聖路爾斯。