高清睇跑馬：清風送爽形勢好

魑魅魍魉

　　今季總場次676谷草三班1000米﹕「勁勇士」出閘差勁，賽後更一度亮起研訊燈號，看看是否獲得公平出閘﹔講番出賽過程，由於漏閘失地甚多，白德民只好切入內叠留前鬥後，幸好馬匹鬥心強，瞬即跟住馬群，轉彎中段拉出二叠愈走愈勁，位置本來不俗，無奈入直路時有馬阻擋去路，令牠要拉出更外叠衝刺，結果仍追入季軍，這次排四檔出閘，只要起步順利不難於強項收復失地。
　　
　　總場次729田草一班1400米﹕「清風送爽」出閘反應欠佳，就算排四檔亦無優勢，鞍上人蘇狄雄一直騎至千一米，也只能勉強跟住步速居尾二。牠大半程居內欄慳位，轉彎中段時移出二叠，彎尾更拉出最外位置，雖然蝕位極多，可幸一早撻着，而且很快便出正腳衝刺。

　　直路初蘇狄雄打右手鞭，因「清風送爽」內閃未有再打，但他卻多次分韁，到拉士一百米又再打右手鞭，結果馬匹未見內閃，衝刺力卻非預期，顯然牠並非特別受鞭，有見及此，蘇狄雄只好再次棄鞭齋推，同時不再分韁用心推策，最終馬匹交出強勁衝刺，可惜距離終點僅得五十米，因此姍姍來遲取得季軍。今仗落第三班跑形勢大好，喜排一檔如虎添翼，穩位望贏。

Sam