馬主論戰

博彩老头

寶貝王子高一線

　　今日馬季開鑼，希望各位《成報》讀者個個贏錢！講番心水，鍾意第三場「奪寶」，呢隻馬跑法夠主動，今場放頭馬唔係咁多，小心畀佢帶到。另外，我哋隻「電訊高星」有份跑尾場，但1400米對佢嚟講短咗啲，反而「寶貝王子」同「高一線」呢兩匹馬就好啱我心水，兩駒都有分在手，呢條單位置Q應該都好穩陣。

張敬山

東江少俠加罩搏命

　　姚本輝今日手馬好惡，我睇好佢有頭馬見面，較啱心水係第八場「錢照贏」，上季三戰獲冠亞各一，早已經證明係質高分子，今次再跑贏馬路程田草1200米，排埋一檔起步，已有齊捧場條件。另一匹姚廐馬「東江少俠」都要留意，首度跑五班賽事，即刻強配杜利萊兼初戴眼罩上陣，睇部署絕對唔係陪跑格局。

寇鴻萍、梁廷鏘

璐悅季初演出準

　　開鑼戰報名馬唔多，部分場次出現冷場，不過出馬少唔代表賽果一定正路，投注都係揀冷門埋手好啲。推介第三場「璐悅」，上季頭兩場跑田草1600米同谷草一哩非冠即亞，證明季初威力好強，今次跑1400米，有新鮮感之下未必嫌短，而且呢匹馬真係好啱王志偉發揮，臨場一定會有分頭，唔好睇小佢。

任達華