勁信心三班企得穩

博彩老头

姚本輝明日田戰屯重兵，共有十駒上陣，而在兩組三班千二米賽事更雙龍出海，氣勢逼人。對於此四匹參戰馬，輝哥坦言較為睇好分別馬房第一、二選的「蜚聲」及「勁信心」。
  
勁信心上季負重磅勝出四班千二。





列陣第三場三班千二米的「勁信心」，上季尾初上三班跑同程大敗而回，表現令人失望。暑期開操後，姚本輝讓此駒操練重新做起，今趟初配黎海榮操刀，輝哥希望可以拚個明白，他說：「我從無懷疑『勁信心』的質素，牠一定可以站穩三班。至於上仗落敗純粹是場地太黏軟之故，與馬匹實力無關。此外，『勁信心』今季進度良好，早前試千二米泥閘亦展示前速，狀態已被省起，今次更抽一檔好位，機會樂觀。」
  
蜚聲可反先好利利


至於第八場的「蜚聲」，同樣面對如「金堡龍華」、「好利利」等惡馬，但輝哥依然有信心前駒可以排眾而出，他說：「『蜚聲』上季５戰獲１贏４位，可見馬匹性格忠心，若非經常遇到像『旅英駿駒』、『川河勁駒』般的惡馬，應該肯定唔止贏一場。雖然今次又要與曾擊敗牠的『好利利』同場，但今次『蜚聲』受讓12磅兼抽２檔好位，當有反先之力，希望柏寶今次能夠充分發揮馬兒後勁，爭取最佳表現。」