馬主論戰

猪拉多纳

勁信心１定掂

　　姚本輝今日手馬好惡，睇嚟好有機會贏馬，最啱心水係第三場「勁信心」，上季響田草1200米贏馬，當時排一檔起步，今日繼續跑此程，咁啱又抽到一檔起步，有齊晒贏馬條件，可以放心捧場。另一匹要留意嘅姚廐馬係「蜚聲」，在港五戰獲一冠兩亞兩季，上名率達百分百，肯定係忠心馬，四歲馬今季應更進一步，要吼實。

張敬山

喜勝威熱夠身

　　開鑼至今跑咗四次賽事，方嘉柏已經贏咗六W，賭馬向來要跟紅頂白，今次吼實呢位旺人應該冇錯。最啱心水係第五場「喜勝威」，開鑼日響田草 1600米跑第四，末段走勢唔曳，熱身開氣之後，今次應該到位。另外鍾意第三場「自由勝」，上場跑田草1200米後上如箭跑第三，質素肯定唔簡單，今次對手冇咁強，係時候坐正。

寇鴻萍、梁廷鏘

悅璐孖寶咪睇小

　　今日重頭戲第九場獅威啤酒盃，焦點馬肯定係開鑼日贏得輕鬆嘅「愛跑得」，但我認為同場「悅璐孖寶」都唔可以睇小，上季尾試過響1600米撼贏「火龍駒」，質素絕對唔簡單，今場季內初出跑1400米未必嫌短，隨時劏晒。另外尾場「易搏贏」都要留意，後勁馬冇理由沙田唔啱發揮，柏寶肯騎唔會係陪跑。任達華