愛跑得愈燒愈起勁

猪拉多纳

前領馬通常最驚有快馬同場，早段互相爭奪有利自己之放頭位置，消耗體力，以致末段無以為繼，任由後上馬魚肉，此所謂馬場潮語「鬥燒」也。
       
愛跑得剛戰早段被奪寶拍住鬥燒，反而贏得更輕鬆。

不過凡事總有例外，「愛跑得」嫌單騎領放唔夠刺激，要有其他快馬糾纏方可激起鬥心，上場大勝鐵證如山，難得今次又有多匹快馬在陣，連捷話咁易！
       
勞愛德
好友福加程啱追

勞愛德：雖然「好友福」剛戰特首盃演出未算理想，惟該役步速偏慢，不利此駒發揮，而牠依然衝入第五，我認為可以接受。目前「好友福」應以千四米最合腳法，今次扳上此程，可望展現真正威力。復課後馬兒狀態更勇，且看牠能否克服孭一三二重磅劣勢，成功贏馬補中。
       
馬偉昌
金獅威將夠穩陣

馬偉昌：「金獅威將」除上季尾跑黏地一役名次較後外，其餘在正常場地均有穩定演出，最後一仗更擊敗「競駿精英」，充分證明卡士。今次復出縮程跑千四問題不大，早前試草閘跑第一，反映狀態已具爭勝水準，可惜抽十四檔處境不利，只盼陣上際遇較佳，藉此爭取最佳名次。
       
白德民
卓爾非凡磨利刀

白德民：「卓爾非凡」埋門先試田草八百米閘，排位朝再跳草地，備戰一絲不苟，今場絕非熱身性質。縮程跑千四米嫌短一點，鑑於只是季內首戰，狀態未到十足，出爭較短路程或更能激發其爆發力，況且今場快馬林立，預計步速偏快，「卓爾非凡」應可盡展所長。
       
鄭雨滇

鄭雨滇：「愛跑得」開鑼日跑二班田草千四米，雖然早段與「奪寶」鬥燒，但拉士猶有餘勁，最終以佳速掄元，表現較上季有明顯進步。今次相隔兩周再出，馬匹體力依然保持，早前單試亦有水準，雖然升班面對較強對手，但以「愛跑得」剛戰贏馬姿態，相信機會仍在；況且此駒早段若有快馬拍實，會愈跑愈起勁，今趟同場又有「夢幻組合」、「陽明好好」等快馬在陣，形勢樂觀，可望再下一城。