洪禮賢講馬：三班作賽 勝任有餘

猪拉多纳

　　第九場二班1650米。「歡呼星」昨文已提過，揀佢主因在於剛仗劣勢下有Q唔係易，其次係加罩後未甩P。還要出動柏寶（人馬3次合作得冠亞季），大有收復失地的決心。

　　第十場三班1650米。「勝任有餘」7月尾已經做番基層工夫，8月中漸漸加強壓力，開始安排拍跳工序，去到9月頭幾乎跳親都靚，不論單試或兩駒同跳，亦如是觀，而為求做足晒準備，有埋大閘作開氣（該閘全程在中游，冇刻意壓迫）。或許因整套安排夠妥善關係，眼見佢嘅進度，已比普遍季初之馬嚟得幾好，不用以打折嘅眼光評估。而上季直落3W雖然全在四班賽，水準其實唔差，贏得「奄尖大少」、「蓋世子牙」等駒，孭住輕磅在三班唔會失勢。再睇埋上季尾贏馬一役，在跟得急咗嘅情況下（當晚4場同程，唯一前中段在51秒之內），拉士尚可贏得輕易，推算分數仍然在6字頭，大把世界是也。何況，有埋C欄2檔的優勢，仲更加穩陣。