馬場紅綠燈

魑魅魍魉

再來旺財破數據

　　薛廐「再來旺財」連續兩季均一出即勝，擺明係唞埋出擊最好，雖然上仗險勝亞軍「奔騰飛駒」頭位，但始終谷草C欄C+3彎跑道利放，而且隔晚又有分頭，縱使從未試過打叠贏亦要博破數據，反正這件綵衣逢出必拼，至少唔使懷疑鬥志。

健少

勝利福星咪睇小

　　上周三尾場方廐出三駒，「旺國手」落飛贏馬，另一冷門「赤胆雄威」跑第二，反而賠率最熱的「好兄弟」三甲不入，就知此廐主力誰屬不易估。今日尾場方廐兩件，「勝利福星」路短兼用卓利實冇人信，但馬有實力，末段突圍不足為奇。

阿光

相見歡檔佳變身

　　「相見歡」季內首仗跑直路賽得第五，過往連1400米都未跑過，三W 八P 都喺1200 米或以下路程取得，但今日居然轉爭一哩，似乎有啲蠱惑。既然抽得一檔兼負輕磅，加上隻馬十八戰有十一場入三甲夠忠心，一於小注WP玩吓，話唔定放到。

王其