賠率有路捉：封面票勁劏叛將

魑魅魍魉

　　第三場五班1600米，噚日早飛大熱門一如所料係掛頭牌嘅「私家路」，29蚊W；「濰坊」及「誠信心」都係6倍左右亦好合埋，但奇就奇在「封面」居然有墊底飛，只得73蚊W，位置更加係19蚊大熱，真係始料不及。

　　不過此駒上季尾轉去李廐後，可謂仄到準，曾經喺一場1400米後上跑第四，上仗復出又喺1400 米後追一段唔弱，今日增程跑1600米擺明係針對性部署，加上有叛將「私家路」喺度，戰意一定有，既然有馬孭飛，有分頭實啱胃口，隔夜飛咁勁，非常似樣。

　　尾場三班田草1400 米，姚本輝馬房「金津好」前季兩W 後，去季一直守齋，早熟馬明顯開始退步，所以噚日早飛只得48 蚊W，嚟得好突然；但最緊要仲係位置熱到得12蚊，可以話孭起成個位置彩池，唔知何方神聖咁有把握，既然有人一早落定大大注墊底飛， 真係要小心呢期破悶局呀。

騎師王熱捧韋達

　　騎師王方面，柏寶熱唔透，開盤手暗示冇餐士；反而韋達有蔡約翰關照，手握幾匹惡馬，「活力奔騰」、「勁高手」、「好旺寶」、「一路奇兵」都係坐亞望冠馬，再加埋「南陽望族」及「極品絲綢」，贏少過三場都唔及格，如無意外穩奪騎師王，絕對信得過。

周仲