薛達志：寶利多仲有1W

魑魅魍魉

依家資歷最深嘅本地薑賴維銘，呢個禮拜初感染風寒，搞到周中谷戰表現跌watt。
       
阿賴病愈捧祿怡盃

不過，阿賴休息咗幾日，尋日即刻重振雄風，第三場二班1800米幫薛達志嘅「寶利多」再下一城，捧走祿怡盃，小病果然是福！
       

「寶利多」自從上季尾贏出四班田草1600米之後，跨季打疊五場上名，包括三場頭馬，對於一隻七歲馬嚟講，認真難得。薛達志話「寶利多」已經完全開竅，有愈戰愈勇嘅勢頭，仲覺得再跑長啲都問題不大，就算贏完加到八十幾分，跑二班賽依然有競爭能力，應該仲有一Ｗ喺手。