雲邦美歸隊日期推遲

港陌

　　方嘉柏馬房一向在谷草成績甚佳，周日上演十場谷草日馬，正是方廐強項所在。今次方廐出戰馬實力甚強，多駒交由巫斯義掛帥，可謂人強馬勇，必有頭馬見面。

　　馬房消息指方廐戰馬中最具爭勝機會是第六場「新意思」，以及第十場的「智友」，此兩駒均是當起之馬，路合檔佳，馬有實力，馬房認為有極大取勝機會。

　　第六場四班一哩，「新意思」上季尾轉入方廐後，曾因腳患復發而要退出比賽，未有上陣便唞暑。到今季九月才首度披甲，由何澤堯策騎跑1400米，結果後上第五，翌仗爭谷草一哩只跑第三名，當然未達要求，所以上仗易配潘頓執韁，即以強橫後勁勝出谷草一哩，可知此駒並非實力不足，只是不合見習生發揮而已。

　　此駒拼後狀態保持大勇，今番改由卓利執韁亦是理想人選，因為此君在今季手風亦順，騎懶馬亦有一手，難得有惡馬在手，必定會悉力以赴，戰意明朗。今戰跑拿手一哩，排檔亦好，只要留力末段衝刺，以其強勁追趕力，可以後上言勝。

智友強配補中

　　至於尾場「智友」，亦是一匹勝算甚高之馬，此駒上仗若非排大外檔起步，相信戰果早已改寫，牠在末段強勢力逼「驚喜」，終點前僅以四分三身位見負。如果排檔好一點，不用走蝕位，牠應已順利勝出。今仗改用巫斯義執韁，戰鬥力增強不少，又抽得四檔好位，對牠更為有利，馬勇路合，今戰勝望甚高，實可作為馬膽之選。