借題發揮：大摩今日子彈多 甜將讚惑encore

魑魅魍魉

　　久唔久發生一次， 嗰啲叫做巧合，如果一而再出現的話，肯定係特登！想講嘅係大摩一對馬「甜將」及「讚惑」，已經連續兩次同日贏馬，拍拖更咁部署，食過翻尋味，嚟到第三次，睇牌面仍然有幾大機會。

　　事實上，今日呢個馬房擺到明摺起晒衫袖，有晒大搏殺嘅手影，除咗上述兩匹拍拖更嘅馬，仲有演出好鬼準嘅「包裝選擇」和「共創未來」，再加上初出好惹飛嘅「天賜福星」，同埋隻外地賽績幾勁嘅「摩法神采」，贏晒唔係冇可能，但未必咁順攤，你估個馬場佢嘅咩！只係想帶出今日大摩真係好多子彈呢句話。

　　講番「甜將」及「讚惑」，前駒愈贏愈易，上場欲罷不能之下贏夠5個幾身位；後駒亦唔簡單，面對升班及加程咁大阻力，一樣贏到冇手，佩服佩服。另外，「包裝選擇」繼續加程配合性能，4歲仔爭分大過天，實搏。　

Jack