洪禮賢講馬：讚賞 直領到底

魑魅魍魉

　　第九場三班1200米。「好旺寶」跑3場得1Ｗ2Ｑ，賽績準到冇朋友，目前分數當然在虛分期，究竟去到咩位會遇阻力，二班話唔定，一班又有可能，總之唔會係三班困得住。

　　上場初跑1200米，路程係恰當，亦配合到馬性，只可惜該役隻馬轉彎甩甩漏漏，韋達要攪一大輪，先至穩定到坐騎作出衝刺，如果唔係，其實彎位時係咬住頭馬，假如直路初同步發力，以佢哋末段衝勢，「好旺寶」好有機會反先「高風格」。希望佢多跑1場，陣上學叻啲，強化到轉彎性能，令能力再增值，如果真係，今場對住一批班內中下級馬，真係綽綽有餘。

　　第十場二班1200米。「讚賞」唯一跑錯係前仗，早段放瓜咗，所以，賽績完全唔使理。而季內跑得啱嗰兩場，贏得唔吃力，並且幾有指標性，話晒打得低「錢照贏」、「風雲勇子」，估計佢一日未升穿100分，唔覺有咩壓力，呢場仲要排埋1檔，易守好位又可自領，唔難再Ｗ。