借題發揮：大告神駒正爆

港陌

　　今季告達理馬房好有中興味道，對上3季，佢嘅頭馬介乎11至18場，硬係突破唔到20關口。今季就唔同，賽事未到三分之一， 已累積11 場勝利，睇勢頭20W唔難，上唔上到30場，就要睇吓廐內新血季中接唔接得上！

　　大家都知，方仔係谷草霸王，原來計上名率，大告先至係最叻， 上名率逾50%，嘩，跑兩隻有1隻入圍，唔係睇通計準，邊可能9月至今9期谷戰，保持咁高百分點。

　　呢次「雪山神駒」新配何澤堯， 但「神駒」系有辦你睇，「嘉寶」今季兩W、「孖寶」爆半冷，「大地」亦今季一出有Q，「雪山」用小將又怕咩！尾場「靚到爆」谷一哩拿手，一定用盡升浪。

Jack