朝早有動靜：奪綵奇兵即食

港陌

　　昨朝由於有八組谷閘舉行，各倉口的操練程序較為緊迫，其中蘇保羅整朝急急腳行出行入，對今日一批參戰馬尤其緊張，當馬隊在機坪熱身時，練者倚欄全神貫注睇實，期間仲主動搵韋達、潘頓兩位大師傅商討軍情，觀動靜出擊日子將至。

　　今日沙田跑10場賽事，蘇保羅馬房出馬踴躍，意味此倉口的攻勢將展開。事實上，沉寂多時的蘇保羅，最近晨課動向較早前明顯積極，如昨朝練者便親自押送馬隊出踱加課，包括「奪綵奇兵」、「雅雪」及「新希望」等，當中必有王者。

　　其中首要留意出爭尾場二班1400米的「奪綵奇兵」，這匹自購馬來頭不小，為新西蘭打吡亞軍，今番操足而臨，說不定可一出即勝。

旅英駿駒強配搏

　　另外，文家良在近三次賽事合共勝出五場頭馬，氣勢甚盛，昨朝練者與多位騎師輪流交談，似乎滿肚密圈。今日多匹文廐馬之中，首要留意列陣第九場一班1400米之「旅英駿駒」，上季取得五場頭馬之佳駟，今季一直按兵不動，純粹是馬房想讓牠循序漸進而已。經過幾場熱身之後，此駒態況已冒升，今次回報草地賽事，即重配最佳拍檔韋達，有山雨欲來之感。

韋柏