楝悉先機：太極至尊1000放到

港陌

　　今晚快活谷A欄賽事，話就話偏差冇咁大，其實形勢亦唔易猜透，因為韋達與柏寶部分坐騎唔係想像中咁叻，而白德民唔係冇實力馬在手，可惜有啲排咗唔好檔位，處理得好唔好，會左右到結果。所以，有時嘜實一些小將坐騎，可能會有收穫，像今期升格七磅仔嘅何澤堯，便有三兩駒機會唔錯。

　　第二場四班1000米。「太極至尊」今季演出不算出眾，卻可保持一貫忠心性格，雖然仍戒不掉慢閘的毛病，起碼跑3場俱入前四名，可見在四班乃中上級之輩。既然前仗同程排: 檔，在早段多耗力帶頭的情況下，最終差啲有P，估計今場有{ 檔之利，如出閘稍好，有望放到。

連戰連勝磅輕阻力細

　　第三場四班1200米。「連戰連勝」剛仗令人有搶錢之感，廿倍冷W，捧到4倍開跑，仲要贏埋，但我哋唔可以唔佩服嗰批人嘅眼光，· 檔一樣夠膽大幅落飛。而此駒取勝姿相當從容，雖然加咗9分，其實仲係負輕磅上陣，阻力並唔好大，只要; 檔放得出，又冇過快，對手唔易反先。

　　第四場四班1650米。「消費王」目前43分，算係處於降班邊緣，練馬師心態如何，真係唔易捉摸，不過，上場越程至1800米仲去搏，睇嚟冇立心等落班。其實上場唔係隻馬內閃，令黎海榮唔能夠全力催騎的話，第三名有梗。今仗縮回一哩，論路程性能，點都比1800米好，如果今場唔係早段特別慢，以佢後勁咁強，咁輕磅，直路鬥衝，唔講得笑。

點買法

　　有時谷草都係放頭、守好位嘅馬着數，排埋內檔仲正，揀重心馬都係呢類最好，今期獨贏「太極至尊」射「連戰連勝」，貪佢哋跑法主動。重心Q 第三場，「連戰連勝」檔好又夠快，腳拖一對賽績靚嘅５ 、９ ，買三重彩可諗埋１ 、２，唔似贏得卻稍有級數。

陳華棟