富高盈仲唔係有計？

港陌

身為摩廐主帥的白德民，除非馬房同場無馬報名，否則外線馬甚少沾手，不過以摩廐大倉卡士，五班賽駒寥寥可數，因此每逢遇到五班賽主帥皆有搵外快機會。
       
富高盈

今期白德民對頭場外借文廐馬「富高盈」尤其重視，馬兒上仗如非騎者因身體不適而換人，計埋明晚已是此位摩廐主帥連續第三仗揀騎。昨晨白德民於六時半抽空親試「富高盈」，與前兩仗賽前一樣，文家良依然舉鏡睇足全程，今勻富高團體馬主之一的高長昌專誠到烽火台睇此駒出試，睇完再與練者提早開會，耙地時段更驚見馬主與練騎再斟，十足喺沙圈咁款，動態十分有瞄頭。