高清睇跑馬：加州財子升班冇阻力

港陌

第七場三班1000米，「加州財子」十月初才開操，但兩次試閘走勢極之出色，首課輕鬆跟入季軍，兩周後第二課大閘一放到底贏馬，性賦早熟，加上幕後好鬥志，上仗初出總場次222田草四班1000米，有重飛屬意料之事，結果亦不負所託順利開齋。

　　該役慢閘已輸掉三四個馬位，最厲害是蔡明紹完全唔心急，胸有成竹順勢留前鬥後，且等到最後四百米才加以催策，結果後來居上獲勝，甚至不用打鞭，已拋離對手兩個半馬位。

　　再留意末段時間居然快至22秒正，衝刺之勁簡直可以風捲殘雲來形容，也因為姿態出色，賽後被重手加13分之多，備受評磅員重視。質新馬跑磅不跑分，周日升上三班負輕磅亦有賺冇蝕，再次吼準勝途田草1000米，梅開二度話咁易，可放心捧場。

飛銀動力落班搏殺

　　「飛銀動力」去季一擊即中，且挫敗「歡樂繽紛」，質素極高，今季必可大放異采。可惜每一戰發揮差勁，初出二班1400米排12檔，都爾一早切入二叠慳位，可惜拉士短兵相接右手甩韁繩，因此功虧一簣以頭位飲恨；接戰角逐頂班1400米，早段二叠不差，但入彎開始走三叠，結果全程蝕位，入直路未能交出強勁衝刺。至於上仗仍走三叠，加上入直路兜出最外檔，大讓賽之下自然不敵兩匹輕磅好手。牠連仗劣勢一樣跑近，確認質素極高，今仗落二班出戰，極具優勢當可追捧。

Sam