借題發揮：韋達近戰勁高手 如願以償交功課

猪拉多纳

　　2011年來臨，新的一頁又開始，你、我、他願望可能各異，但「身體健康」就一定會掛喺口唇邊，有咩好得過識行識走，冇病冇痛。腰纏萬貫又點啫，如果成日病，冇健康體魄，多多錢無福消受。

上月頭馬創開季紀錄

　　講番元旦賽，韋達坐騎唔少，近期的確殺得性起，成日贏騎師王之外，原來佢喺12月份贏馬次數，係開季以來單月最多，睇嚟佢好有心喺柏寶停賽期， 盡量拉開彼此頭馬差距，免得夜長夢多，又要到季尾先發力就無謂。

　　佢嘅坐騎之中，「勁高手」和「如願以償」，呢口孖寶諗得過，雖然唔會有好高回報，隔夜睇過賠率，起碼唔係乘埋冇4倍之類，算係佢今日實力馬裏，比較穩陣而又有賠率。講到能力，前駒平穩中見進步，跑長啲又冇問題；後駒谷戰終碰壁，唔返沙田好難交到差，轉換場地對佢好大幫忙。總而言之，呢對馬值得重視。最後，祝願讀者新年好。　

Jack