極品絲語：評分着數真係寶

魑魅魍魉

　　下周有一級賽舉行，所以今次賽事在C 跑道上演之餘再加四場泥地，多數場合是混戰之局，相信爆冷是必然。近來啡燈黨頻頻出手，投X額被推高亦拜之所賜，看上周三之「揀得準」及「科研精英」，臨場落飛之勁令人嘩然，最終飛到馬到，又見得手。近期此類分子經常出現，如遇冇心水的場次，若跟風捧場或有意外收獲。

　　練馬師榜首之爭戰愈趨激烈，告東尼已追至與大摩平頭，但下游一樣精采，誰估到現時包尾的會是蘇保羅？蘇保羅的練馬功力毋須懷疑，但今季確令人失望，如此下去真有點擔心。

幸運多多難輕視

　　今次較看好第五場「真係寶」，前仗贏來點到止，來港時評93分，計落現今評分仍有着數，今次白德民揀騎當然有理，馬膽不作他想。「雄獅寶貝」輕磅加紀仁安，當然配腳。「幸運多多」上場谷草1000米突如奇來跑近，難輕視。

　　另外，第十場「軍事行動」上次初出追得勁，今次捲土重來必求收復前失，穩位望贏。配腳拖「火箭動力」，上場與前駒同到終點，有力挑戰；「貝利高」回師二班賽佔級數之利，可作配。

　　股市方面，大市暫時表現仍算硬淨。不過傳統上，第一季常有回吐，所以要小心控制注碼，暫時揀股策略，都是向半新股進發。繼康哲藥業後，另一隻半新股熔盛重工終於都守得雲開，所以繼續向半新股尋寶。好孩子（1086）初上市時表現強勁，其後又大幅回落， 但公司有實力，整固後可望反彈。


珊翠絲