梁定華緊張勁啲啲

魑魅魍魉

大半個馬季華廐只能贏得三場頭馬確實令人有點失望，然而馬房亞席以至殿軍皆有雙位數字，換言之季內頻頻搏殺失運而已，明日華廐於第三場派遣「勁啲啲」初次上陣，且看能否如馬名一樣勁番啲啲將頭馬數字砌靚啲。昨晨「勁啲啲」於七時一刻由助手在大圈快踱期間，見廐主梁定華相當緊張，並企正烽火台地下門口位舉鏡睇操，練者表情嚴肅，似乎「勁啲啲」今勻並非玩玩吓，再者同主馬「得寶飛駒」早前重投華廐，華哥勢必以頭馬作回禮！