洪禮賢講馬：朝東飛駒評分着數

魑魅魍魉

　　第六場三班1650米。「朝東飛駒」落到目前74分，漸漸有承托力，因上季在72至74分範圍內，一共跑咗4場，唔理係田草定谷草，短途還是1800 米，冇1場唔喺前五名返嚟，完全反映到在此範圍內，佢喺三班好有power，而呢場仲要係由田草轉番跑馬地，對手次一皮，點會冇so。

　　點講都好，去季曾輕易贏過「騰雲駕霧」，雖然嗰場前中段係慢（比當日四班慢成秒），但望落今場，除非反常，如果唔係亦唔會快得去邊，排1檔嘅佢，或可食正晒鬥慢形勢；近試三段練氣為主，睇番之前賽前好少有咁樣安排，意味着今場唔係玩玩吓。埋門都係柏寶試晒，早課冇話唔志在，加上騎練今季合作成功率ok，可捧。

極品絲綢有備而來

　　第七場一班1800米。「極品絲綢」前仗賽前已指出狀態重新出發，跑落第四，成績算係預期之內，而上場在國際賽名次退步，其實冇辦法，太多老虎而佢又唔夠級數，輸兩乘幾已合理。嚟到今場，賽前工夫冇放軟到，一樣大力做野，有閘有拍跳，從早課角度，應該係季內最靚1次。過番谷草跑，對手實力大幅減值，佢又唔使負磅太重，一個字形勢晒：「筍」！