金石盟專欄：洪福齊來步爽

魑魅魍魉

　　昨晨跳馬細水長流，周日賽事逾半參戰馬先後出試，七時正草地千八米開放供馬匹試跑或彈閘，益增睇頭。

　　「洪福齊來」都爾在草地彈閘，躍出順利，拉實而回，步伐爽朗，神態旺盛，有作戰水準。

　　「軍事行動」郭能試八百米，步幅開揚有力，過直路饒富氣勢，予人印象殊佳。

　　「勁飛寶」蔡約翰試八百米，動作矯捷，彈力充盈，過終點後餘勢勁，勇得交關。

　　「財運」蔡約翰試八百米，清風送爽而回，蹄姿瀟灑，情緒更集中，愈磨愈利。

　　「黃金褭蹄」賴維銘試八百米，從容淡定，步伐輕快而有力，體格強健，一切對辦。

自由萬歲身紮實

　　 「自由萬歲」黎海榮試八百米，出腳比前暢順，馬身收實，進步良多，好過上賽。

　　「如日方中」湯智傑試八百米，戴上眼罩，翻步急勁，肌肉現線條，狀態攀升。

　　「濰坊」韋達試八百米，漫不經意走返，腳頭硬朗，體力冇問題，老而彌堅。

　　 「風雲武士」白德民試八百米，末段輕輕推騎，反應不俗，腳勁增強，續有進步。

　　 「包裝選擇」白德民試八百米，步伐整齊有力，身肌結實，神態活躍，長期見好。

　　「風度翩翩」卓利試八百米，走勢輕爽，勁力增強，肥態已減，成熟程度邁進。

　　「川河勁駒」助手試八百米，身強體壯，過直路精神奕奕，活力充沛，勇況撩人。

威皇鷹易放難收

　　「威皇鷹」白德民在草地試八百米，末段稍鬆韁繩，有易放難收之感，身壯力強，勇熟勝前時。

　　「雪蹄靈驥」黎海榮試八百米，直路上灑開大步衝線，有火有力，觀感並無不妥。

　　 「清風送爽」黎海榮試八百米，蘇狄雄策「超力駒」佔先乘多帶放，電算機前外檔的「清風送爽」拉出望空即三扒兩撥撲上，走勢挺勁，有復甦迹象。

　　「軍事攻略」白德民在草地試八百米，四蹄揮灑自如，一身是勁，進度滿意，狀態更上一層樓。

　　「甜將」白德民在草地試八百米，愈跑愈快，衝刺凌厲，體力猶充沛，近況甚佳。

　　「生豪」柏寶在草地彈閘，緊韁扣實，出腳靈活，上勁起力，成熟程度與日俱增。