4歲馬開始尋夢 天久小橋流水着數

猪拉多纳

　　4歲馬終於正面交鋒，之後相信好多馬會喺預賽及打吡再度交手，邊隻可以過完一關又一關，運氣、進度、路程性能與質素，真係少一瓣都唔得，因為近年唔少有心栽花者去到最後，好運嘅，可能仲贏到一兩關，唔好運嗰堆，為咗應付唔同路程，急於就章，最後跑到自己散晒，真係一場夢一場空！

　　數到近年好想囊括三關嘅練馬師，當非Tony莫屬，「喜蓮戰略」三關得2W1Q，早年「俊歡騰」先至慘，只差1步，贏唔晒三關！今年佢先有「萬事佳」、「福智」登場，唔知得唔得，但實有心一試。

　　講到實力分子，數就數唔到上述兩駒，必然係「天久」、「小橋流水」、一對「軍事」和「川河勁駒」。如果高分馬唔着數，就唔係平磅賽，所以「天久」評122分，數卡士蓋過晒對手。而「小橋流水」貴為級際賽頭馬，平磅對住好多一二班馬，唔會冇級數。

　　講到「軍事攻略」同「軍事行動」，路程冇問題，只係賽事中未顯示到應有星味，擔心又會姍姍來遲。最後提到「川河勁駒」，原來韋達在此項錦標往績不錯，加上，此馬是4W2P的忠心良駒，或可介入一戰。

Jack