高清睇跑馬：文武維揚輕磅惡

猪拉多纳

　　「揀得準」今季轉投東廐，初出於總場次285 跑田草1200米，排十四檔全程走三叠，蝕位無數可當熱身；試準後於總場次296匆出及改攻谷戰1000米，臨場重飛打到大熱夠誇張，結果走三叠照贏。上仗於總場次322轉戰泥地1200米，不敵較質新的「金巴利來」得第二，既然表現脫胎換骨，今仗回師贏馬路程自然要捧；埋門狀態依然省鏡，有力食頭胡。

　　另外，如數上季最醒新馬，當非今季未逢敵手的「甜將」莫屬，但其實「文武維揚」亦不輸蝕，今季幕後專攻谷草，首仗於總場次48排十二檔跑 1000米已得第二，打後四戰更得三冠一亞，睇番前仗總場次235一役，排十二檔起步輸蝕，入直路又被阻遲望空下不敵「金津好」，勿忘記該戰「文武維揚」乃初跑谷草1200米，而「金津好」接着兩戰更得冠亞各一；故此試準後上仗「文武維揚」於總場次334補中乃意料之事。

　　該場捧成大熱贏唔夠兩馬位，實則早已穩操勝券留番一手；三歲馬尚有大把進步空間， 這次殺上二班負輕磅倍添把握，兼且快馬多不勝數，步速偏快對凌厲後勁的牠必有利，穩膽。

Sam