賠率有路捉：馬主光輝早飛硬淨

猪拉多纳

　　今日「人日」，先同各位馬迷講聲生日快樂。噚日晏晝五點半，筆者打開個網睇吓賠率，見到第五場即時忍唔住叫咗出嚟。呢場四班1800米，大熱門竟然係「馬主光輝」，個W 仲要得34蚊，位置得1戙！翻查賽績，嘩﹗最叻嗰次只係上場個第八名。雖然係咁，但係筆者始終強調，冇人會倒錢落海，落得飛梗有古怪。

　　經過一輪調查，終於水落石出，原來呢隻馬未嚟香港之前跑長途都幾威吓。佢喺新西蘭跑過2000米同2200米，一冠一亞，當中仲要有次喺愛沙妮呢類大場跑。睇嚟之前幾場賽事暫未有水準，係因為未適應水土。上場跑谷草1800米，雖然跑第八，但只係輸個幾馬位，今次再戰同程強配柏寶，點會冇飯開？

柏寶騎師王機會突出

　　至於騎師王，柏寶一開飛已經得26.5蚊，彈開韋達同初三贏完嘅紀仁安，望番個騎師分場表， 原來佢騎足八場，仲要有隻「文武維揚」墊底，難怪開盤冇幾耐已做咗大熱。　

周仲