朝早有動靜：葉韋猛傾闊袍大袖

魑魅魍魉

　　昨朝為明晚谷中賽事排位之期，多位騎師一早到場課馬，場面熱鬧，其中韋達先後試過葉楚航馬房的「八運寶」、「明駿之寶」及「闊袍大袖」等戰馬，再為文廐「勁好友」考驗。論緊張程度，首推「闊袍大袖」，此駒由韋達出試後，葉楚航急步往機坪向騎者了解情況，二人會合後傾談一番，並對住報名表指指點點，研究長達十多分鐘始各自離去。

　　「闊袍大袖」今次仍跑首本路程1650米，同程有兩冠兩亞一季佳績，從未落空，今次賽事回三班且排一檔，形勢有利，此駒在百萬挑戰賽暫排第三，若然勝出有機會扳上頭位，戰意不用懷疑。

苗禮德實好運得福

　　那邊廂，苗禮德剛戰憑「多多寶馬」、「雄心威龍」贏個冷孖寶，兼捧走一級賽香港經典盃，收穫甚豐，昨朝練者卻沒有沾沾自喜，反而更積極備戰，今次谷草夜賽，苗廐戰馬「好運得福」出操時，老苗極之重視，除在機坪沙圈金睛火眼睇實外，又與鄉里史卓棟在欄邊密斟一輪，動靜頗有睇頭，看來轉戰2200米有爭勝決心， 苗禮德馬房當旺要吼實。

韋柏