沈廐洪福齊來省招牌

猪拉多纳

對沈集成嚟講，尋日頭馬「洪福齊來」，英文馬名Lucky Follow Me，用嚟形容佢由今季初弱勢反彈，至目前倉口回復中型規模，真係可以講有番運氣眷顧，而且更憑呢匹「洪福齊來」取得今季第13Ｗ，提早達標，無咗呢重壓力。
       

對於「洪福齊來」能夠轉倉即勝，沈集成亦賦予極高評價，據其表示，轉倉之後，佢同釘甲師傅響呢匹馬嘅爆甲問題落咗唔少心機，所以晨課方面佢寧願小心從事，親力親為，加上針對「洪福齊來」情緒緊張出閘反應失準嘅問題，今次特登加戴眼罩兼且搵擅於搶閘嘅柏寶幫手，結果一擊得手。