楝悉先機：紅珊瑚隔仗變身

魑魅魍魉

　　伍碧權養馬唔算多，成績卻撐得住，而今季採用精兵制又確係行得通，有時全日出一兩件，重心咁去搏，好多時仲好，譬如，對上3期出得6匹馬，就攞到3W，成功率幾高。今期阿權出馬3件，可能頭場已有着落，值得優先考慮。

　　第一場四班1200米。「紅珊瑚」前仗無端端爆出大冷門，爆冷過後，上場即刻跑到唔見影，係咩一回事？前仗乃符碌之作？阿棟唔識點評，不過，有樣嘢可以肯定，隻馬上場係乖咗，亮相時唔似得爆冷嗰場，成日郁身郁勢，所以，上場或因大半程外叠影響。總之，今場如果做好留放，而11檔唔好令佢喺前中段置身大外叠，可能又由蟲變龍。

何方神聖1800正晒

　　第七場一班1800米。「何方神聖」比賽中經常唔好彩，大前仗喺直路畀人撞散，前仗想踩油，但被對手封閉多時，而上場發揮亦唔醒目，梗係陰差陽錯！今仗最主要鍾意佢嘅原因，係加程至1800米，睇佢路程性能，冇1800或2000米，根本唔夠喉，所以，呢場應該可以喺直路盡情踩油。

　　第八場一級賽1400米。「天久」上場打吡預賽輸了，完全跑啱之下，被頭馬彈開接近兩身位，係路程性能不及對手所致。小方識「走位」，唔再勉強，即刻縮番1400米，總好過打吡時陪跑。而由於季初曾以超快時間贏同程，如果唔係上場跑到散咗，呢場冇對手可比。

點買法

　　頭場「紅珊瑚」、第八場「天久」，呢一對馬最啱眼緣，W2 x 3冇得走，加上XXX肯派6千，近期大家都會手鬆啲，唔使勒住嚟玩。而重心Q亦係呢兩場揀，睇落頭場或會好分少少，一於轟佢！