洪福齊來成功連捷

魑魅魍魉

做練馬師最佳宣傳自己嘅方法，莫過於幫啲新加盟馬盡快贏馬交代。而沈集成就絕對明白呢個道理，早排轉倉即贏嘅「洪福齊來」，尋日縮程跑田草千二米，結果都阻唔到呢隻馬再下一城，自從去咗沈廐兩出兩捷，省到馬房招牌立立令。
       
上三班都掂

成哥話「洪福齊來」上鋪跑千四都好搶口，所以今鋪就索性跑短啲，點知呢隻馬今鋪一樣搶口難留，直路外閃，好彩都仲贏到，證明隻馬有唔少進步空間，升到三班都可以應付，之不過成哥話會畀隻馬抖多四至六個禮拜先再出。