楝悉先機：讚惑唔驚富貴金龍

魑魅魍魉

　　執筆之時，未知港隊喺杜拜成績如何，呢次係多年來，單日最多香港馬遠征，希望佢哋生生性性，為我哋爭光。至於，今日形勢，由於田草B欄係今季首次採用，利放定利追？我唔係先知，唔多清楚，記憶中則唔會特別多冷門爆就真嘅！

　　第一場五班1800米。「歡樂寶寶」首次落五班出賽，係咪即刻得米？抑或遇弱愈弱？好難肯定，但有兩點值得我哋去研究，其一，上季明明加眼罩冇咩表現，點解今次會又用呢個配件；其二，上場初跑此程效果麻麻，點解唔等番中距離賽事。練者喺呢匹馬落班第1場，整兩條難題畀大家諗諗，為乜呢？我自己覺得喺某程度上，係為博賠率，如果跑1600米，3、4倍咁上下囉。我有冇估錯，好快就知。

吉利大師超級

　　第四場四班1000米。「吉利大師」初出贏到甩晒，雖然跑第二、三名嘅「樂融融」及「旅遊大亨」，唔係啲咩勁旅，但佢初插四班，贏3個幾身位喎，仲唔係至少超兩班，所以，佢仍然留喺四班，着數到暈，唔係133磅影響過巨，連捷不成問題。

　　第九場一班1200米。「讚惑」向來演出準繩，係出道第1場跑第四啫，之後跨季7戰，場場有三甲，而今季更加係隻馬首個高峰，出5場贏4場，唯一輸嗰場都有第二名，只係輸少少畀「川河勁駒」，完全展現出得實搏嘅鮮明作風，呢啲馬一向係阿棟「飛佛」。再者，未對過「富貴金龍」，又唔係輸梗，如果大家賠率懸殊，點解唔吼咁準嘅「讚惑」！

點買法

　　今期捧W一定嘜實「讚惑」，隔夜接近5個開，如果臨場有3倍以上，值得加注。至於買Q場合，呢期唔刻意博冷，因為有兩隻幾穩陣嘅熱膽，除咗前駒外，就係「吉利大師」，所以揀第四場搭第九場。

陳華棟