金石盟專欄：伽羅出腳挺勁

魑魅魍魉

　　昨晨最後試跑，出跳馬寥寥可數，七時正草地千八米開放供馬匹試跑或彈閘，惟只得一匹上陣馬參試，無甚睇頭。

　　「伽羅」勞愛德試八百米，從容淡定，出腳挺勁，馬身粗壯，健康冇問題，仍具作戰水準。

　　「卡達聖」白德民試千二米，逐漸加快，過直路一身是勁，精神爽利，佳態難掩。

　　「仔仔女女」鄭雨滇試八百米，出腳矯捷，情緒集中，已係季內最靚一次。

　　「穩操勝算」馬偉昌試千二米，走勢爽朗，勁力均勻，與上名時比較，大致保持。

　　「愛蓮說」史卓棟試八百米，步伐整齊，身壯力強，操養有一手，未見低落。

質超駒活力充沛

　　「質超駒」潘頓試八百米，閒庭信步，出腳有力，活力充沛，予人印象不錯。

　　「輕輕鬆鬆」黎海榮試八百米，按韁慢跑，走勢暢順，惟進步不大，九分光景左右。

　　「歐洲駿馬」馬偉昌試八百米，步伐穩健，神采奕奕，體力已告復原，漸入佳境。

　　「利好」柏寶試千二米，腳頭硬朗，體力猶充沛，神態活躍，堪稱老而彌堅。

　　「無雙小子」助手試八百米，姿態從容不迫，馬身紮實，生氣勃勃，近況尚好。

可愛人生步幅開揚

　　「可愛人生」韋達試千二米，步幅開揚有力，肌肉結實，進度滿意，一切對辦。

　　「御將軍」柏寶試八百米，自動加速，過直路饒富氣勢，體格強健，新勝猶勇。

　　「旅遊小子」助手試八百米，落腳比前輕爽，勁力稍增，惟神色平淡，似好非好。

　　「雙妙星」馬偉昌試八百米，走來仍有兩腳，身肌結實，勁力稍增，未盡退化。

　　「驚喜」助手試八百米，翻步靈巧，過直路不浮不躁，保養得宜，觀感仍佳。

　　「定做」普萊西試八百米，走來懶洋洋，提不起勁似的，狀態徘徊不前。

　　「金滿貫」助手試八百米，入直路加快腳步，神閒氣定，懶性已減，好過上賽。

　　「新力多」梁家俊試八百米，口勁稍重，上力平平，有待進一步打磨始有可為。

　　「清脆利落」助手在草地彈閘，應聲而出，動作靈活，彈力充盈，成熟程度與日俱增。