文家良鷹之團破悶局

魑魅魍魉

練馬師文家良最近經歷一段低潮期，超過一個月無頭馬進帳，原本上個禮拜三派出跑馬地百萬挑戰盃盟主「文武維揚」上陣，強配柏寶諗住可以破悶局，點知隻馬又因發燒退出。不過所謂有心唔怕遲，尋日呢對拍檔終憑大熱「鷹之團」贏番場。
       

「鷹之團」今場熱至1.6倍獨贏，台前幕後理應好大信心先至係，不過文家良就唔係咁認為，佢解釋由於「鷹之團」之前曾經傷過，操練唔係咁正常，所以狀態其實唔算突出，談不上好大信心，結果呢匹三歲馬竟然以咁快時間掄元，令練者刮目相看。文家良話「鷹之團」仍然好稚嫩，出閘唔係咁好，暫時跑住直路賽先。