雷勁論戰：漸信良駒1定掂

港陌

　　方嘉柏與柏寶向來合作愉快，今晚亦有兩駒交由他操刀，其中最具爭勝機會應是出爭第四場四班1200米的「聚有盈」。此駒轉投方廐後兩戰全勝，上仗回升四班作賽亦能以輕鬆姿態贏馬，大勝亞軍「辣得喜」三個多身位，可見牠現已正踏入大熟期。今番乘勇再來，亦抽得好檔位，雖然負磅較上仗重10磅，但牠身材壯碩，負重亦無大礙，應可順利完成三連捷。

日月暉華長期見勇

　　同場對手方面，首要留意梁定華馬房的「日月暉華」，此駒長期保持佳態，可惜跑法較為被動，經常後上不及姍姍來遲，目前仍未能出頭，今番改由都爾操刀，戰鬥力提升，要走入三甲應不太困難。

　　霍利時馬房的「金獅駿將」亦是此程好手，回配韋達執韁戰意明朗，排檔又好，上仗跑泥地亦有接近演出，證明狀態已回復水準，亦有一爭之力。

　　另外，韋達今晚亦有不少實力坐騎，其中出爭第七場三班1650米的「漸信良駒」便甚具留意價值。這匹五歲馬現時正值大熟大勇之年，跑谷中一哩更是其強項，以往四戰同程共取得一冠兩亞一季，可見路有專長。今番乘勇再來，幕後鬥志明朗，必會悉力以赴，排得一檔起步更加如虎添翼，可作今場馬膽。

　　配腳方面，「福喜」上仗在谷草一哩亦有好走勢，狀態已見復勇，馬有班底，路合檔佳，有力後上爭入三甲。此外，蔡廐「華倫天奴」亦要留意，前仗在谷草1200米贏馬，但其實路程嫌短，只是恃質凌人而已，現時在三班作賽對手不同，有需要跑較長途程才可發揮所長，馬已操勇多時，今次交由普萊西執韁，估計會換來較佳分頭，實在有留意之必要。