馬場紅綠燈

港陌

鑽飾彩虹路首本

　　第四場焦點應落在加盟方廐後兩戰全勝的「聚有盈」身上，但同場「鑽飾彩虹」亦不能睇小，除在港所獲的一冠三亞全在谷草1200米取得外，這次排二檔及強配白德民亦是有利條件；既然埋門試閘走勢討好，提防會趁有大樹遮陰郁手。

健少

魅力心賽績優秀

　　吳定強季內暫時只得十一W，尚差兩場先上岸，今晚成手惡馬上陣，話唔定可起孖達標。第七場「魅力心」上場跑谷草1200米入位，近態唔曳，今次增程跑一哩，話晒季內曾響同程與「雄心威龍」鬥到頸位分勝負，跑出水準邊有對手？

阿光

安瑪係時候交代

　　第三場「安瑪」季初在蘇廐三戰無功後轉投沈集成馬房，但至今尚未贏馬兼近兩仗還要捧成熱門搏失，未能如「洪福齊來」、「雄獅寶貝」、「龍船旺」及「芙蓉威龍」般替廐主省招牌。今晚有1200米不報而刻意加程跑一哩，小心變身。

王其