華倫天奴有料到

港陌

神仙蔡剛戰初出馬「驌龍」以後備身份補出即勝，臨場仲要落飛變綠燈，幕後真係舐舐脷。今晚又有件補出馬「華倫天奴」睇吓大家信唔信，上次韋達輸完換普萊西搏殺，肯定有分頭，而騎練在昨朝亦有密斟動態出現，約七時三刻，各方人馬忙於試閘之際，練者就在機坪空地上捉住普萊西(左圖)傾唔停口，兩人足足埋頭密斟卅分鐘，平時極少會見到神仙蔡有呢種動靜出現，莫非今次輪到阿西身負重任？