伍碧權上岸快馬當先

港陌

為新季牌照努力嘅伍碧權，擒日響主席賽馬日，憑隻五班馬「快馬當先」食頭胡，為佢帶嚟今季第13Ｗ，成功上岸。
       
快馬當先閘前起票，飛到馬到。

伍碧權今季逆境求存，「快馬當先」亦可以講係季初極少數雪中送炭嘅轉倉馬，馬主廖長江嘅耐心支持，終於響擒日有回報，打開勝利之門。
       

由於「快馬當先」係廖長江自行培育新馬，所以今場開齋兼捧盃，適逢又係伍碧權嘅第13Ｗ，最難得仲係同埋太太囝囝一齊入場影呢張頭馬相，可以講係夠晒意義。雖然「快馬當先」目前仲響五班浮沉，但廖長江就強調對愛駒能力好有信心，因為另一匹同樣由佢培育嘅同父母所生馬女，響澳洲贏過二級賽，如今「快馬當先」完全適應水土，佢就好有信心愛駒響新季，將會持續反彈，繼續數胡。