祖記熱唔透帕爾馬有計

猪拉多纳

15/05/2011
文： RICHARD WELBING

本周意甲帕爾馬主場對祖雲達斯，現時祖雲達斯仍然要為來季歐洲賽資格而努力，相反帕爾馬已經護級成功，照計客隊嘅爭勝鬥志較強，但祖雲達斯齋W賠率熱唔透，港區方面約為1.9倍，而某幾間大型海外菠菜公司更將賠率調高至2倍至2.15倍左右，可見祖雲達斯飛數缺乏支持，今場未必可以攞足三分，要讓波就更加唔穩陣，建議投X者捧「讓球主勝」。（now 633周日晚9時直播）




祖雲達斯的確有搶分必要，不過近期演出顯示球隊缺乏爭勝把握。近期「斑馬兵團」面對卡坦尼亞及基爾禾都打成二比二，而兩場都喺領先兩粒情況下慘被逼和。祖雲達斯防務工作出現問題，教練迪尼利都冇晒計。


祖雲達斯中場傷兵多


而有大量主力缺陣亦對客隊爭勝有影響，其中卡錫及馬治斯奧停賽，阿古蘭尼受傷。基於有三名正選中場唔出得，球隊或要提升預備組球員基安當尼圖頂住先。祖雲達斯中場陣容不整，無論搶截及組織力都打折扣，今仗難讓帕爾馬。




帕爾馬陣中有多名前祖雲達斯球員，包括阿馬利、基奧雲高、柏拿甸奴、保積洛夫及簡達華，呢批畀祖雲達斯放棄嘅球員，每逢對住舊球隊都會踢得特別落力，擺明要向祖雲達斯示威。就雙方最近一次對賽，基奧雲高就兩度射破祖雲達斯大門。今次帕爾馬有埋主場之利，祖雲達斯形勢就更惡劣。