卡爾斯魯厄一戰逃生

猪拉多纳

15/05/2011
文： Mic少

德乙今晚煞科，Mic少想講下護級方面，由於比勒費爾德已篤定降班，至於邊一隊陪佢哋降班，離不開卡爾斯魯厄、奧斯納貝克或奧柏侯遜。目前以卡爾斯魯厄形勢最好，只要今晚主場擊敗柏林聯，就大功告成，相信卡軍會搏盡攞呢三分，主勝穩陣。（周日晚7時30分開賽）


柏林聯要向二隊借兵


除咗卡爾斯魯厄戰意有保證之外，Mic少仲收到風，柏林聯防線問題嚴重，需要從二隊臨時抽調球員頂檔，更難抵擋主隊強攻。德乙尾三球隊可以踢護級附加賽，奧斯納貝克作客恩高斯達特，如能全取三分，仲有得救，爭勝意欲高，受讓捧「讓球客勝」。排尾二嘅奧柏侯遜作客科特布斯，被迫焗攻爭勝，但球隊防線不穩，隨時得不償失，捧入球大。