阿積士報仇封王歎川菜

猪拉多纳

15/05/2011


今日《是日正菜》會轉食川菜，但唔係四川個川，係川迪個川！是晚荷甲煞科日爆發榜首大戰，阿積士會喺主場硬撼川迪。阿積士要奪標今仗一定要贏，戰意毋庸置疑，再加上有壓倒性球迷支持，朱楓睇好佢哋可以贏波後上封王，順便報埋上周末荷蘭盃之仇，1.78倍主W抵捧！（now639台周日晚8:30直播）




荷甲今季爭標形勢認真激烈，阿積士暫時以1分落後畀榜首川迪，勢估唔到兩隊仲會喺煞科日交鋒，將今季荷甲氣氛推上高峰。其實兩隊上周已喺荷蘭盃決賽碰過頭，結果川迪喺落後兩球下，經加時後3:2反勝阿積士捧盃，查實阿積士嗰場打得唔曳，可惜多次射門中柱中楣，最後輸波只可以話冇運。


得千六球迷川迪氣勢輸晒


不過朱楓睇好阿積士今晚可以報仇贏番鋪，事關球隊今晚將返番主場比賽，據講所有門券連企位合共51,621張飛一早售罄，但川迪最後只分得1,600張飛，可謂未打已經輸晒氣勢。雖然阿積士今場好大機會有射手艾咸達奧因傷缺陣，後防艾達韋列特亦上陣成疑，好在前線仲有新進射手伊比斯尼奧領軍，再加上有蘇利馬尼同施安迪莊支援，整體實力亦不容忽視。




特別係蘇利馬尼，賽前川迪門將米凱洛夫點名一定要睇實佢，但實情呢位塞爾維亞中場近況弗到漏，對上6場入3球，何況川迪今場仲有後防安恩胡因傷倦勤，今晚作客今季聯賽主場勝率高達75%嘅阿積士，想踢擦鞋仔波攞1分封王絕對唔易！




SUN 日（27）‧ 阿積士 Vs 川　　迪


是日推介


些路迪（入球細）1.68倍

格拉斯哥流浪（讓球客勝）1.72倍

阿積士（主勝）1.78倍